ქართული თხილი — ბაღიდან გულამდე.

ორივე პროექტი თანადაფინანსებულია სოფლის მეურნეობისა და სოფლის განვითარების სააგენტოს (ARDA) მიერ „აგროგადამამუშავებელი და შემნახველი საწარმოების პროექტის“ ფარგლებში, USAID-ის მიერ საქართველოს თხილის გაუმჯობესების პროექტით (G‑HIP), ევროკავშირის მიერ სურსათისა და სოფლის მეურნეობის ორგანიზაციის (FAO) მეშვეობით ENPARD III პროექტის ფარგლებში, შპს აგრი ჯორჯიას (Ferrero), საქართველოს საბიუჯეტო რესურსებისა და Wondernut-ის პირდაპირი ინვესტიციით. ეს საწარმოები ნაჭუჭიანი თხილის უმსხვილესი მიმწოდებლები არიან კახეთში. მათი მეშვეობით შევძელით ადგილობრივ ფერმერებსა და საბოლოო მომხმარებლებს შორის არსებული უფსკრულის შევსება და თხილის ხარისხის მდგრადობის უზრუნველყოფა.

ორივე ლოკაცია (ყვარელი და ლაგოდეხი) კახეთში თხილის წარმოების მთავარი არეალია, ამიტომ Wondernut ორ ლოკაციაზე ყოფნით კახეთის რეგიონში თხილის ღირებულებათა ჯაჭვის მნიშვნელოვანი მამოძრავებელი ძალა გახდა.

ორივე ლოკაცია გთავაზობთ თხილის გარჩევის, შრობისა და შენახვის მომსახურებას, რომელიც საერთაშორისო ბაზრის ყველა არსებით მოთხოვნას შეესაბამება.